O Hórreo do Refugallo constitúe un espazo onde se recollen diversos materiais de refugallo co fin de darlle outro uso na realización de materiais e actividades do día a día no Espazo de Lecer María Miramontes.
Deste xeito, contribúese a xerar conciencia sobre a importancia da reciclaxe mentres se aproveitan os recursos dispoñibles dun xeito creativo, dinámico e lúdico. Empréganse tapas, tapóns e botellas, rolos de papel, vasos de iogures, oveiras, etc.
A este proxecto pode contribuír tanto o persoal do centro como as familias e a propia rapazada, traendo estes materiais da casa.
